ORANJESTAD (AAN): Manera cu DIARIO a publica, riba Diadomingo 2 di Augustus 2026 a registra pa 4:36 am un temblor
basta modera di 4.1º riba Scala di Richter, localiza den Lama Caribe na como 198 km pariba di pueblo di Rincon na isla di Bonaire.
Riba Dialuna: Pero riba Dialuna 3 di Augustus 2026, un otro temblor a wordo registra den mesun area. E biaha aki tabata 2:53 pm cu e epicentro a wordo localiza na 12.39º Nort y 66.48º West. Esaki ta como 202 km pariba di Rincon, na isla di Bonaire. Pues e ta djis algun kilometer mas pariba.
Su magnitud tabata menos, pues di 2.3º riba Scala di Richter, y e tabata na un profundidad di 36.3 km bao di subsuelo di lama.
Ningun informe a drenta di hende cu a sinti esaki.
