Departamento di Cultura Aruba den colaboracion cu Universidad di Aruba ta invita pa:
ORANJESTAD (AAN): Un invitacion di parti Departamento di Cultura Aruba (DCA), den colaboracion cu e Research Center di Universidad di Aruba, na tur miembro di comunidad pa asisti na un sesion di dialogo interactivo guia pa Liesje Proveyer, titula: "Ban Papia: Meeting Needs, Creating Impact".
E evento lo tuma lugar dia 7 di juli 2025, entre 6:30 – 8:30 di anochi, den Maria Convent Chapel di Universidad di Aruba.
Durante e sesion, Liesje Proveyer lo comparti e resultado di su investigacion riba bienestar y necesidadnan psicologico di studiante di educacion profesional na Aruba. Un estudio relevante y inspirante cu tambe ta disponibel riba e “Open Knowledge Repository” di Universidad di Aruba via e siguiente enlace: https://hdl.handle.net/20.500.14473/1541
Ban papia riba e realidad di nos hobennan y traha hunto pa stimula bienestar y crecemento positivo den nos comunidad. E sesion aki ta un oportunidad pa tin un dialogo habri, stimula ideanan nobo y contribui na e desaroyo di espacio cu ta apoya e crecemento emocional, academico y personal di hubentud Arubano.
Data Importante:
Fecha: 7 di juli 2025
Ora: 6:30 – 8:30 PM
Lugar: Universidad di Aruba – MC Chapel
Presentado: Liesje Proveyer
Contacto: This email address is being protected from spambots. You need JavaScript enabled to view it.
Formulario di registracion: https://forms.gle/oAa7E7dsQhhjgb1E6
Departamento di Cultura Aruba ta stimula tur hende interesa – hobennan, mayornan, docentenan, mentor, profesional den educacion y bienestar – pa participa y demostra bo interes. Ban papia. Ban scucha. Ban crea un impacto positivo hunto.
