ORANJESTAD (AAN): Ata un chens mas pa descubri mas di naturalesa den Parke, cu un ‘Rough Hike’.
Esaki lo ta Diadomingo venidero, dia 19 di Juli 2026. E ta mainta, pues lo no stroba bo plan di wak e final di Copa Mundial di Futbol.
E Rough Hike e biaha aki ta bay conoce areanan nobo den Parke Nacional Arikok. Rough Hike ta diseña pa esnan cu kier reta nan mes un poco mas, moviendo riba un ritmo mas lihe compara cu un caminata regular, mientras ta goza di e bunitesa di Aruba su naturalesa.
Guia pa nos Nature Experience Rangers, e caminata di 6.6 km ta hibabo mira paisahe cu poco hende ta mira. E caminata ta un reto, pero sigur uno cu ta lagabo conecta cu naturalesa den un manera mas profundo. E lo dura como 2 ora y mey.
E lo sali for di Centro di Bishitante, y ta ponebo riba e ruta di Miralamar, Masiduri, Rooi Taki, Sabana Basora, Isla, y caba na Rooi Lamunchi. Lo tin bus pa transporta tur hende bek pa e Centro di Bishitante.
E lo ta for di 6:00 am te cu 8:30 am, y bo tin di paga segun status si acaso bo ta miembro of no. Nan lo prefera pa bo paga online, of pasa na e Centro di Bishitante na final di e caminata. Lo bo haya un pasaboca chikito y algo pa refresca. Pa registra bay na e website aki:
Pero corda cu e caminata aki ta pa tur hende di 10 aña bay ariba, tanten cu bo ta confortabel cu e distancia, e subidanan, y cu bo por mantene e paso di e grupo. Corda cu cuponan ta limita.
Sali for di bo rutina y explora e paisahe salvahe di Aruba y laga naturalesa ponebo den ritmo.
