ORANJESTAD (AAN); Grupo di Oracion “Inmaculado Curason di Maria ” ta invita tur debotonan cu a Consagra na Mama Maria y ta bisti un Scapulario,
tambe tur cu a consagra cu e Scapulario di Dos Curason di Mama Maria y Sagrado Curason, pa bin resa y keda fiel na Nos Mama Celestial, cu ta sufri tanto pa desobedencia di hopi cu a desfia na Su Yiu Hesus.
Corda riba e pueblo di Ucrania cu ta den sufrimento, mas di un miyon mucha ya a bandona nan tata cu no ta permiti pa bandona nan pais.
Papa Francisco ta pidi pa haci oracion, resa Rosario y pidi Tata tene misericordia pa esnan di mala fe. Laga nos bin hunto un ves pa luna riba 13 di cada luna como rumannan den Cristo y yiunan di Dios bin cu alegria y goso pa unie den oracion dilanti di Inmaculado Curason di Maria, na Santa Cruz.
Ta habri oracion cu ‘Angel di Señor’. Mama Celestial y Su Dibino Yiu ta warda bo. Despues ta sigui Santa Misa.
