Dialogo pa maneho cultural di e isla
ORANJESTAD (AAN): Departamento di Cultura Aruba (DCA), hunto cu Gobierno di Aruba, ISLA.X y UNESCO Aruba National Commission, ta invita tur interesadonan pa participa den Encuentro Mondiacult 2025, cu lo tuma lugar riba Diabierna, 12 di september 2025, for di 9:00 am te cu 12:00 pm. Esaki lo ta na oficina di CMO, esta Crisis Management Office na Wayaca 33-E.
E encuentro aki ta duna oportunidad pa contribui na e dialogo nacional y mundial referente maneho cultural. Durante e sesionnan, lo worde trata diferente topico relevante pa cultura, identidad y desaroyo cultural di nos pais Aruba den contexto global.
Mondiacult 2025 ta un plataforma mundial di UNESCO pa reforza e importancia di cultura como un pilar central pa sostenibilidad y desaroyo di comunidadnan. Aruba, manera parti di e dialogo global, lo tin su bos y contribucion por medio di e encuentro local aki.
Registracion: Ta importante pa interesadonan registra di antemano via e website aki:
www.bit.ly/auamondia
Departamento di Cultura Aruba ta invita tur actornan cultural, institucionnan, artistanan, y comunidad en general pa forma parti di e dialogo aki y contribui na un futuro cultural sostenibel pa Aruba.
