ORANJESTAD (AAN): Marinierskazerne Savaneta ta cla pa Diabierna awor habri e portanan pa e conocido ‘Open Dag’ di nan.
Por pasa cerca nan riba 1 di Mei for di 10'or di mainta. Bon chens aki pa celebra hunto cu esnan di Wardacosta di Caribe Hulandes, nan di 30 aña di existencia.
Lo tin diferente actividad pa hende grandi y mucha! Personal di Wardacosta tambe tey pa atende tur tipo di pregunta over di pesca, siguridad riba lama, opleiding y tur otro tipo di pregunta.
Mariniernan lo tin tur clase di demostracion, y atraccion special henter dia. Esnan di Wardacosta tambe lo tin e.o. demostracion cu boto riba lama, booth informativo cu cos pa parti, tour riba nan Cutter, Lounge area cu sombra, photo booth y hopi mas.
Bin gosa di un dia ameno, hunto cu famia y sera conoci cu nos personal di Wardacosta y tambe cu militarnan di Defensa di Caribe Hulandes.
