ORANJESTAD (AAN): Chubato Beer World ta bolbe organisa un gran auto show. e biaha aki ta riba “Dia di Rey” april 27 2023,
unda cu lo celebra cumpleano di Rey Willem Alexander hunto cu e autonan unico di Aruba. E lugar ta Plaza Niki Habibe, na final di caya grandi for di 11am te 6pm.
A peticion di hopi amante di autonan clasico y autonan special, ta ripiti e auto show di dia 18 di maart ultimo, cu tabata un exito rotundo. tur auto club, clasico of autonan special, gruponan of personanan cu ta colecta autonan custom, ta invita pa e evento. por cuminsa yega for di 11am y e evento lo ta te 6pm. mescos cu biaha pasa, por bin den grupo, of auto individual. Esaki ta bo oportunidad pa bin cu e auto cu ta tapa warda hopi tempo den garashi, y “show” e off pa un y tur por admira. por subi e plaza for di caya principal mes, banda di ex RBC Bank of pasa rond y drenta di otro banda.
E evento ta gratis y no mester paga pa participa. ora bo yega, registra na chubato y bo por participa pa gana un di e varios premio pa rifa.
Chubato Beer World ta spera pueblo di Aruba bin celebra “dia di Rey” na Plaza Niki Habibe, den Caya Grandi, diahuebs dia 27 for di 11am te 6pm. asina tambe chubato tambe ta haci su contribucion pa trece bida den Caya Grandi y tene nos centro di ciudad bibo cu hopi actividad pa un y tur. Adhunto potret di evento 18 di maart 2023.
