POESIA : Titulo: M I B I D A Autor: M A D E L E N E K E L L Y
Rima mi bida, rima
rima y hunga cu
letra y palabra
segun bo fantasia
Canta mi bida, canta
canta nota di harmonia
comparti musica
y alegria di tur dia
Toca mi bida, toca
toca e ritmo y tono
segun bo inspiracion
letra y creacion
Pinta mi bida, pinta
pinta segun colo
di bo talento,
idea y expresion
Baila mi bida, baila
baila segun melodia
di mi sinfonia
comparti alegria.
