VALENCIA: Autoridadnan cu tabata investiga un caso hopi severo di abuso sexual di mucha na municipio Tocuyito,
a logra di pone man porfin riba e homber envolvi den e asunto. Nan a usa forza pa detene e homber, cu ta parce di ta un persona peligroso. E denuncianan ta cu el a abusa sexualmente di muchanan, bao di menaza di morto.
E homber cu ta conoci den pueblo como ‘El Bruko Sádico de Libertador’, a abusa di por lo menos 10 victima, y el a wordo gara despues cu autoridad a papia cu hopi fuente, y tambe busca su paradero den camponan.
Jairo José Fierro di 60 aña, kende ta biba na e urbanizacion El Libertador, na Tocuyito di estado Carabobo, tabatin como modus operandi pa gana confianza di e hobennan cu ta biba den su parokia. E ta invita nan pa su cas, y despues den nan descuido, e ta forza nan pa abusa di e inocentenan. E tabata menaza nan di lo kita nan bida, y di nan famia.
Ora cu el a haya sa cu autoridad ta su tras, el a trata di haci comosifuera el a huy pa Colombia. Pero mas bien a bay sconde den otro lugar. Pa awor e ta encarcela.
