BOGOTA: Por lo menos 14 persona a muri despues di deslizamento di tera den e bario La Esneda cu ta situa entre Pereira y Dosquebradas na departamento di Risaralda.
Tin tambe 8 hende perdi, y por lo menos 30 herida.
Segun oficialnan di Gobierno, e cantidad di morto na comienzo tabata 8 persona, pero despues esaki a subi na 14, pero e cifra aki lo por aumento debi cu ainda tin hopi hende desapareci, y nan lo por ta por lo menos 8 mas.
E deslizamento a socede debi na awaceronan pisa y tambe e hecho cu e rieu Otún a bay over. Tur esaki ta dificultando e operacionnan di rescate y recuperacion di morto- y heridonan cu no por wordo haci rapidamente.
Mas di 30 herido a wordo transporta pa Hospital San Jorge y aki a core pone por lo menos dos di e personanan den sala di operacion.
Bomberonan di Dosquebradas y tambe Pereira ta haciendo trabao di buskeda y rescate di hendenan bao di loke a resta di casnan plama den otro, pero toch keto bay awacero torencial ta complica e trabao aki.
Comunidad tambe ta participando den e buskeda di personanan, y organizacionnan di Ehercito, Defensa Civil, y Cruz Cora ta presente na e lugar di emergencia aki.
Autoridadnan a confirma cu e sero ta fractura y pesey tin e riesgo cu lo por tin otro deslizamento den proximo ora of dianan.
