Lost and Found Pets Aruba ta lansa alerta:
ORANJESTAD (AAN): E Facebook Page 'Lost and Found Pets Aruba' a duna di conoce diahuebs cu ta hayando informe di cachonan cu ta desaparece for di nan cura of cerca di nan cas. Tur caso ta trata di cachonan di tamaño mediano te grandi, mas conoci como 'cachonan di cunucu'.
Esaki ta cachonan cu no tabata molestiando niun hende ni tabata un peliger pa nada of ningun persona rond. Sinembargo, nan simplemente a desaparece.
Te cu awe, no tin ningun informacion di kico ta causando esaki of ken ta haciendo esaki. E desaparicionnan ta sosode principalmente anochi of durante e oranan di anochi.
Pa e motivo aki 'Lost and Found Pets Aruba' Nos ta pidi tur doño di cacho pa tene nan mascota den nan propiedad y wak bon riba nan. Si bo nota algo sospechoso den bo bario, por fabor informa e autoridadnan. Comparti e informacion aki y ban proteha hunto nos cachonan.
Tin entendi cu esaki ta sosodiendo na diferente bario y no un area specifico. E yamada na comunidad ta pa tuma nota di cualkier actitud sospechoso den e dianan aki.
