Awor restitucion di inkomstenbelasting ta wordo procesa na tempo
ORANJESTAD (AAN): Dialuna, Departamento di Impuesto a duna di conoce cu nan a scoge un gol.
Pa mas cu 40 aña Departamento di Impuesto ta trahando cu atraso den procesamento di cobransa di inkomstenbelasting y primanan social manera AOV/AWW y AZV.
Dialuna a logra elimina e atraso den procesamento di cobransa masal y ta prome bes den historia cu DIMP ta cla pa hinca e datonan di e declaracionnan di inkomstenbelasting 2021 den nan sistema, pues den e mesun aña cu esakinan a wordo otorga y entrega door di e contribuyentenan.
Departamento di Impuesto bou direccion di sra. mr. Luenne Gomez-Pieters y cu enfoke y dedicacion di tur funcionario di impuesto envolvi, ta logra un ‘milestone’ sumamente importante den historia di Departamento di Impuesto y Pais Aruba.
Di awor padilanti e contribuyentenan por conta cu nan restitucion di inkomstenbelasting ta wordo procesa na tempo.
