ORANJESTAD (AAN): Den cuadro di su compromiso cu preservacion y promocion di nos Herencia Cultural Inmaterial,
Departamento di Cultura Aruba (DCA) ta pone na disposicion di scolnan y comunidad diferente recurso educativo relaciona cu Fiesta San Juan – Dera Gay 2026.
E recursonan aki ta busca fortalece e conocemento y apreciacion di uno di nos tradicionnan cultural mas bibo, stimulando su transmision na generacionnan presente y futuro.
Entre e recursonan disponibel tin unformacion general tocante Fiesta San Juan – Dera Gay 2026, episodionan special di Bentana Cultural dedica na e tradicion, y material audiovisual educativo pa uso den scolnan y comunidad.
Tur recurso por wordo haya via e website di DCA na www.cultura.aw aworaki caba.
