ORANJESTAD (AAN): Recientemente sra. Marilyn Alcalá-Wallé, autor di e buki: ‘LA PUERTA.
Gekadreerd door een Ministerie.…dat met twee maten meet?’ a otorga un ehemplar di e buki na sra. Zetsia Ponson, hefe di e departamento Arubiana-Caribiana di Biblioteca Nacional di Aruba (BNA).
E buki ta elabora extensamente riba su periodo como Minister di Enseñansa, Ciencia, Cultura y Deporte na Curaçao, su contacto y peticionnan pa sosten na e cadena hudicial durante su periodo di Minister, su retiro y e periodo despues.
Sra. Alcalá-Wallé a sirbi su comunidad dos aña y ocho luna den e funcion pa riba un dia inesperadamente a ricibi un yamada di Ministerio Publico (OM) cu ta bay cuminsa un trayecto di investigacion penal contra dje, pa motibo cu aparentemente e no a cumpli cu e ‘Landsverordening integriteit (kandidaat-) ministers (Screeningswet)’. Sra. Alcalá-Wallé mesora a tuma retiro sin por a compronde e issue mesora.
Despues a resulta cu prome cu a bira Minister, ta un formulario mester a yena di otro forma, algo cu diferente Minister den e gabinete Rhuggenaath a interpreta mes cos cu sra. Alcalá-Wallé. Pero OM a scoge pa persigui unicamente sra. Alcalá-Wallé y a keda busca un aña y mey na e honan castigabel durante su periodo como Minister, sin por a haya algo cu el a haci robes.
Den e buki aki, sra. Alcalá -Wallé ta laga e lector interesa experencia a base di hechonan con e cadena hudicial na Curaçao por funshona y a funciona p’e. y con OM ta midi cu dos midí.
Alabes e ta duna un tremendo siñansa na e lector!
