Den Economia Circular ta existi e “Regla 7R” cu ta esencial pa e desaroyo sostenible

ORANJESTAD (AAN) – Den e sistema di Economia Circular ta existi e asina yama “Regla 7R” cu ta esencial pa e desaroyo sostenible y pa conserva e ekilibrio ambiental;

esnan basico ta: reduci, reutiliza y recicla. Pero ta bin acerca: rediseña, reduci, renova y repara.

Kiermen, locual ta wordo obteni di e naturaleza ta bin bek na dje pa agota su bida util, di un forma ciclico y respetuoso cu e entorno. Pero, cuanto hende sa cu tin otro cuater reglanan cu yama 7Rm cu ta stipula e pasonan necesario pa logra un economia circular.

E 7R aki ta encera:

1. REDISEÑA: Pensa y diseña e productonan di manera cu nan proceso di fabricacion consumi menos materia prima, su bida util wordo alarga y genera menos residuo (of al menos genera residuonan cu ta mas facil pa recycla). Di e manera aki ta incrementa e proteccion na e medio ambiente.
2. REDUCI: Cambia e habitonan di consumo humano pa un modelo mas sostenible. Si e consumo wordo reduci, e generacion di residuo ta wordo evita; e gasto di materia prima ta baha y, consecuentemente, e impacto den e medio ambiente ta merma.
3. RE-UTILIZA: Usando di nobo of dunando otro utilidad na e producto, nan bida util ta bira mas largo.
4. REPARA: Te aworaki, ora un producto tabata deteriora e solucion tabata reemplace. Sinembargo, repara esaki no solamente ta mas economico, sino evita e uso di materianan prima nobo, spaar energia y no crea residuonan pa e medio ambiente.
5. RENOVA: Actualiza e obhetonan antiguo pa nan bolbe wordo uza manera vintage, por ehemplo, e muebelnan.
6. RECICLA: Promove e miho practicanan den e gestion di residuo y utiliza locual ta posible como materia prima, pa e fabricacion di productonan nobo.
7. RECUPERA: Duna usonan nobo na e productonan cu ta bay wordo desecha, por ehemplo, e boternan plastic pa crea sistemanan di riego, maceta of haula habri pa pone cuminda y awa pa pahra.