Parlamento ta produci otro misterio den un conflicto mundial --- *Politica mester defende homber y muher di tur edad den comunidad
ORANJESTAD(AAN)—Otro situacion inespera a presenta su mes den Parlamento di Aruba.
Mientras preocupacion pa e situacion mundial, cu ta afecta tur hende y tur nacion merece e atencion mas grandi, den e fraccion di AVP un movemento nobo a keda presenta.
Con por ta posibel cu den Parlamento di un pais, ta papia di solidaridad fenomeno, di yudansa special di hende muhe pa hende muhe?
Miembronan di Parlamento ta wordo eligi pa sirbi nan pais y tur ciudadano. No por tin distincion di e trato cu un muher ta haya enfrente e trata cu ta duna e homber.
Esaki ta e descripcion di emancipacion, cu ta nifica trato igual.
Na momento cu un Prome Ministro of cualkier otro instancia mester duna preferencia na hende muher den Parlamento, e ta kibra Ley di Parlamento cu mester ta ciego pa tur diferencia den un comunidad cu e mester sirbi den su totalidad.
E situacionnan manera esaki, ta afecta e posicion di hende muher den comunidad tambe.
Nan ta crea e impresion cu si hende muher mester haya un posicion ta pa sirbi e posicion di hende muher so y no pa tene cuenta cu e responsabilidad cu un gobernante tin cu su pais y su ciudadanonan.
E forma cu a atende cu asunto di sexo femenino den Parlamento di Aruba ta bay contra e concepto cu ta boga pa muher tin mes oportunidad cu hende homber y cu hunto ta yega na un comunidad cu no conoce discriminacion.
Tanto e homber como e mugher cu ta kere cu e mester sirbi su pais mester percura pa e no haci nada cu ta bay contra su pais.
A base di orden di ley cu ta dicidi pa democracia na Aruba, un Prome Ministro, un Ministro of cualkier persona mester actua.
E loke a bini dilanti den fraccion di AVP den Parlamento pa pusha Prome Ministro Wever-Croes den un situacion contra democracia ta inaceptabel pa homber y muher, cu den un democracia hunto ta forma e totalidad di votadornan.
Hamas den seno di Parlamento di un pais por wordo papia di solidaridad di homber y muher cu mester ta ekipa pa haci nan trabou a base di integridad y tur ley cu ta vigente pa e pais.
E hecho cu awe Aruba tin un Ministro Presidente di e sexo femenino cu tambe ta representa den Parlamento, solamente ta indica cu na Aruba tin democracia pa traha conhuntamente na e bienestar di henter un Pueblo y no solamente riba un grupito selecta.
