ORANJESTAD (AAN): Defensa Hulandes lo tene entre 15 di september te cu 27 di September un ehercicio di yudansa di emergencia den caso di un horcan riba Islanan Ariba.
Den esaki tin ehercicionan tambe hunto cu diferente socio di seguridad riba e islanan. Defensa ta train esaki ya asina e Militarnan por keda desplega rapidamente y cu eficacia na momento di un menaza real di horcan.
Despues di e transferencia den direccion di St. Maarten, Saba y St. Eustatius, lo tuma luga actividadnan chikito, reparti riba e diferente islanan. E unidadnan lo haci uso di nan estadia tambe pa sera mihor conoci cu tur tres isla y e socionan relevante establece eynan, tal manera organizacionnan gubernamental, organizacionnan no-gubernamental y empresanan cu ta desempeña un papel importante den yudanza di emergencia.
Mayoria parti di e Militarnan ya caba ta presente den Region Caribe y ta consisti entre otro di unidadnan di Forzanan di Escuadron di Marina Carib (Aruba), e barco di Marina Zr.Ms. Pelicaan, speedboat FRISC, y algun otro unidad di apoyo tanto di e flota como di infanteria di Marina.
Ademas tin presente na St. Maarten permanentemente un destacamento di Marinir. Door di entrena na Islanan Ariba, na momento di un menaza berdadero di horcan ta posibel pa directamente despues cu esaki pasa, por bay over na brinda yudansa di emergencia y salba hendenan den peliger. Tambe den un situacion asina e Militarnan por sostene autoridadnan civil y aporta na orden y siguridad publico.
