Dirigente Nacionnan Uni ta denuncia fayo di liderazgo mundial --- *Hende y bestia na peliger si no realisa plannan pa cambio di clima --- *Mundo ta vigila menasa di bom nuclear pero tambe recept pa desaster
ORANJESTAD (AAN) — For di 2014 paz mundial ta wordo maenasa dor di Vladimir Putin cu en busca di un Union Sovietico fuerte na Europa como baluarte comunista, a plama comunismo rond mundo.
Diferente factor a conduci na e surgimento di e poder Ruso, cu a parce di a wordo kibra dor di mundo liber na final di Siglo 20, pero awe ta lucha di Vladimir Putin, cu hasta ta menasa cu arma nuclear, cu ta causa panico grandi cerca hopi hende na mundo.
Kico un bom nuclear por haci cu hende, ta e miedo grandi for di momento cu e bomnan atomomico cu a wordo detona riba Japon, a wordo uza pa pone fin na Segundo Guera Mundial den pacifico.
E bomnan di e tempo awe tin ruman mucho mas poderoso y e informacionnan tocante e poder destructivo di bom nuclear, no ta invento.
Mientras mundo ta den panico pa loke por pasa cu planeta tera, otro desaroyo impactante ta keda den progreso cu ta e cambio di clima, cu na forma rapido ta expresa su mes rond mundo.
Durante invierno, practicantenan di deporte di winter, tabata tin problema ya cu hopi cero grandi ta no tin sneeuw.
Temperaturanan halto ta percura pa problema serio rond mundo, cu a yega na 2021 na un acuerdo pa cambio di clima cu te ainda ta parce leo for di realisacion.
E mester bira realidad manera den fin di siman a wordo trece dilanti dor di dirigentenan mundial, cu a splica kico lo pasa cu hende y animal si no atende e menasa di cambio di clima.
Defensa di democracia na Ukraine ta afecta defensa di hende y bestia contra clima rond mundo.
Den un rapport oficial nobo cu a mira luz, e Secretario General di Nacionnan Uni a papia di un keho destructor contra fayo di liderazgo.
El a condena dirigemtemam cu ta negligente den e lucha pa clima, cu ta bay menasa salud di hende na un forma significante.
E condicionnan cu por spera ta nifica cu lo ta dificil pa hende y animal sigui biba, manera ta wordo trece dilanti.
E forma cu no ta atende cu e plannan pa cambio di clima, ta wordo yama un recept pa desaster cu por afecta 3.5 Miljard di persona segun e rapport, cu ta haci hopi impresion.
Hende ya ta muri di sed na diferente lugar mientras cuminda ta bira mas scars y miseria lo ta e resultado.
Enfermedad ta aumenta y ta menasa hende.
DIARIO den curso di e siman aki lo presenta partinan di e rapport, cu ta bati alarma pa defensa di bida di hende contra cambio di clima na momento cu hende ta lucha pa defensa di democracia pero tambe contra e menasa di un bom nuclear den man di un homber peligroso, yama Putin!
