PHILIPSBURG: Prijsnan di producto petrolero ta wordo regula door di Gobierno di St. Maarten tambe.
Y despues cu e tabata subiendo ultimo temponan, awor December a yega y e bon noticia ta cu prijs maximo di gasolin a wordo reduci. Esaki ta inclui Diesel tambe.
Desde Diabierna 3 di December 2021, segun anuncio di Ministerio di Asuntonan Economico, prijs pa gasolin unleaded na pomp a baha for di 232.4 cent pa liter, pa e prijs mas abao di 229.8 cent pa liter. Esaki ta un caida di 2,6 cent pa liter.
Diesel a baha for di 187.3 cent pa e prijs nobo di 182.1 cent pa liter. Esaki ta un caida di 5,2 cent pa liter.
NOTA DI REDACCION: Pa compara esaki cu Aruba, aworaki desde 10 di November, gasolin unleaded na Aruba ta wordo bendi na 246.4 cent pa liter, y Diesel na Aruba ta 209.0 cent pa liter.
