ORANJESTAD (AAN) – Jesseline Soto-Kelly, Relacionista Publico di Departamento di Asunto Social (DAS),
den conferencia di prensa a splica, kico ta pasa si un persona cu ta haya bijstand, cu mester cobra e ayudo financiero pa aña 2022-2022, pero no ta cumpli cu e formulario.
El a splica cu e persona su bijstand ta wordo reduci, pasobra e tin personanan den e famia cu ta haya e 250 florin cu no ta bay haye mas, pasobra e suma aki ta haye ora e persona ta bay scol. “Anto, si bo no entrega e comprobante cu bo yiunan ta bay scol, bo ta perde esaki. Ora cu e wordo ahusta, ban pone cu bo a entregue laat, despues di 26 di Augustus, bo bijstand, naturalmente, ta wordo ahusta pero sin forza retroactivo. Dus, bo ta perde e luna di September, y bo ta perde tambe e ayudo financiero aki, cu solamente ta wordo duna dia 10 di September, y esey ta un lastima!” Jesseline a subraya.
Un aspecto importante cu el a menciona, ta cu tin hendenan riba 24 aña cu ta cobra bijstand, y cu ta bay scol. Si esey ta e caso, e persona tin cu pidi un schoolverklaring na e scol cu e ta bay. “Si bo ta bay Universidad di Aruba y tin 27 aña, bo ta haya dispensacion di DPL. Bo no tin cu cumpli cu DPL si bo ta bay scol”, Jesseline a subraya.
El a reitera cu den e caso aki e persona tin cu entrega e schoolverklaring na DAS, como prueba cu e ta bayendo scol, pa e aña escolar 2022-2023.
El a pone enfasis riba e deadline cu ta Diabierna 26 di Augustus, pues otro siman. Cuminzando for di Dialuna 21, tin leter A te E. Diamars tin leter F te L. Diaranzon tin leter M te S, y Diahuebs, leter T te Z. “Bo ta wak’e riba bo carnet di bijstand.
E leter patras di leter O ta e leter di e persona su fam, pa e wak ki dia tin cu acudi cu e formulario di scol yena, hunto cu su carnet di bijstand.
