ORANJESTAD (AAN): Informacion suministra door di Consulado General di Merca na Curaçao, ta indica cu e siman aki,
Drug Enforcement Administration (DEA) a anuncia e nombramento di Special Agent Lauren Carney, como e ‘Country Attaché’ (CA) nobo pa Curaçao. Asumiendo e posicion aki, CA Carney ta bira e prome muher cu ta ocupa e puesto importante aki, cu ta marca un paso trascendental den e legado di e agencia.
Como Country Attaché, CA Carney lo dirigi e esfuerzonan di DEA na Aruba, Bonaire, Curaçao, St. Maarten, Saba, y St. Eustatius enfocando pa desmantela rednan di traficacion di droga, y e lucha contra actividadnan ilegal. Su profundo conocemento den aplicacion di ley y puestonan di relacionnan internacional ta pone bira un lider capaz pa encabeza e mision aki den region.
E nificacion geografico di Islanan ABC ta un hub crucial pa traficantenan di droga cu ta buscando ruta pa pusha droga pa Norte America y Europa. DEA aki ta keda mantene su compromiso firme di stroba e red di contrabando aki, y salbaguardia e seguridad di e region.
“Nos ta orguyoso cu e nombramento di Special Agent Lauren Carney como e Country Attaché nobo pa Curaçao,” ta loke e Special Agent in Charge pa DEA Caribbean Division, Denis Foster a declara. “Su liderato y experiencia lo bay ta indispensable mientras nos ta persisti den nos esfuerzonan pa combati narcotrafico den e area.”
CA Carney ta aporta un experiencia grandi cu su rol nobo, como cu el a destaca den misionnan anterior y a cosecha logronan notable. Su dedicacion non-stop na e mision di DEA y su compromiso firme pa defende estado di derecho, ta converti e dama aki den un escogencia excepcional pa e puesto fundamental aki.
“Mi ta sinti profundamente honra di sirbi como e Country Attaché nobo pa Curaçao y islanan bisiña,” ta loke CA Lauren Carney a declara. “Mi ta ancioso pa colabora estrechamente cu nos socionan na Curaçao y rond mundo pa stroba tur red di narcotrafico y reforza seguridad regional.”
DEA ta mantene su mes firme den nan meta pa colabora cu autoridadnan di Curaçao y e socionan internacional den e buskeda non-stop pa combati traficacion di droga y actonan ilegal asocia cune. Hunto, nan lo defende e estado di derecho y lo proteha comunidad di e impacto desastroso di droga.
