Ya caba por inscribi
ORANJESTAD (AAN): Tabatin algun tempo caba cu hendenan tabata puntra nan mes, ki tempo Enseñanza pa Empleo na Aruba lo start duna cursonan bek atrobe. Varios persona tabata wardando riba e momento cu esey lo socede.
E bon noticia, segun Sabine de Groot-Kwartiermaker, ta cu Enseñanza pa Empleo ta bek y ta habriendo inscripcion atrobe.
E biaha aki, bo por inscribi via di online na epearuba.com y eynan mes bo por check tur e cursonan cu ta wordo duna.
E prome tanda di 2022 a keda cla net un siman prome cu vakantie grandi di Juli. Awor a keda cla cu remodelacion, pasobra nan kier duna pueblo un lugar unda por duna cursonan adecua manera debe ser. Asina a bay upgrade e facilidad, y ta bay brinda otro tipo di curso tambe.
Tin hopi problema cu e material cu mester yega Aruba, y pesey tabatin tiki atraso. Pa November e cursonan lo cuminza bek atrobe.
Señora de Groot-Kwartiermaker a bisa cu e inscripcion online ya caba ta habri na www.epearuba.com
Nan a dedica hopi tempo pa haya un cooperacion y sosten cu mercado laboral, y danki na AHATA y mas stakeholders cu a haci esey posible.
