Publico por haci pedido di docena di cupcake
ORANJESTAD (AAN): Special pa Dia di San Valentin tin un biaha mas e bunita proyecto di “Cupcake di Speranza 2025” celebrando su di 11 aña.
Un proyecto cu a start na 2016 den Caya Grandi para cu 200 Cupcake y cu aña tras di aña a keda crece.
Na aña 2016 e fondonan recauda tabata pa Baby Luna. Na 2017 dedica na Señora Koolman. Na 2018 dedica na 2 Fundacion pa mucha. Na 2019 dedica na Ethan. Na aña 2020 dedica na Ethan un biaha mas y tambe Guinni. Na 2021 a ser dedica na Shady. Na 2022 e Cupcake di Speranza a bay pa Janelle. Na 2023 dedica na Aljereau. Na 2024 dedica na Famia Rasmijn y Baby Jeremiah. Na aña 2025 dedica na hoben special Richeline di 15 aña.
Awor pa 2026, e proyecto Cupcake di Speranza ta ser dedica na Pasadia Briyo di Solo.
Pasadia Briyo di Solo ta un institucion cu ta yuda e hobennan special pa desaroya nan talentonan y nan tin un proyecto masha bunita cu ta trahe diferente tipo di Te, y nan soño ta pa aña 2026 traha nan Tea House, un cas di Te unda nan por sigui bende nan Te nan pero tambe unda tur hende por pasa dal un Te y saborea un dushi cuki of pida bolo.
Abo tambe por ta parti di e yudansa aki pa Pasadia Briyo di Solo, door di cumpra Cupcake di Speranza 2026. E minimo di order ta 1 docena (12 Cupcake) pa 60 Florin y bo mag di bestel cuanto cu ta desea. Un bon opcion pa amigonan comerciante cumpra pa nan empleadonan y clientenan y tambe den famia por haci esaki. Lo parti e Cupcakenan dianan 12 y 13 Februari y lo entrega esakinan na cas of trabao.
Pa bestelling por manda un WhatsApp na 561-6151 cerca George Winterdaal y bestel esun dibo, por paga cash dia di deliver y tambe por paga via online tambe cuenta ta Aruba Bank y e cuenta ta 6006480190 tambe si ta desea di por contribui cu algo monetario por haci esaki.
GLW Foundation ta contento di por sigui aporta cu boso ayudo pa un otro hoben por sigui check su salud den exterior. Aruba ban uni un biaha mas pa asina nos por yuda Pasadiya Briyo di Solo logra nan meta pa yega na un Tea House.
