ORANJESTAD (AAN): Recientemente Altocomisario Ramon Arnhem a tuma despedida oficial di Luitenant-Kolonel, Gerhard Smit.
Smit ta terminando su periodo di servicio na Aruba y tabata den funcion di Koninklijke Marechaussee (KMAR).
Durante e encuentro, sr. Arnhem a enfatisa e importancia di e lasonan fuerte entre e dos organizacionnan. Na nomber di henter Cuerpo Policial Aruba, Arnhem a gradici sr. Smit pa su dedicacion y pa e excelente cooperacion cu tabata tin durante su trayecto aki na Aruba. E trabao conhunto entre KPA y KMAR ta keda un pilar fundamental pa siguridad di nos isla.
Cuerpo Policial Aruba ta desea sr. Gerhard Smit hopi exito y tur cos bon den su proximo reto profesional y den su funcion nobo.
