SANTO DOMINGO: Autoridadnan Anti-Droga di DNCD na Republica Dominicana, hunto cu Armada Dominicana,
a logra intercepta y confisca 474 paki di cocaina den un accion cu nan a haci na costa di provincia Barahona.
Despues di a haya informe di inteligencia, e agentenan anti-narcotico a cuminza cu un accion riba lama grandi cu a rek pa mas di 16 ora, pa asina intercepta e ocupantenan di un speedboat tipo Go-Fast kendenan cueste loke cueste kier drenta Republica Dominicana cu cargamento di droga.
Durante e operacion di intercepta e speedboat, cu a socede zuid di e pueblo di Juancho, nan a bin haya abordo di e Go-Fast un total di 16 saco, den cual e pakinan di droga tabata poni. Cuatro persona abordo a wordo aresta.
Ministerio Publico na Barahona a keda encarga cu esnan aresta.
