Crecemento di poblacion ta crea un problema pa futuro imediato --- *Cuanto tereno a wordo uza pa construccion di edificionan grandi? --- *Negoshi den tereno na Aruba mester duna poblacion mas splicacion
ORANJESTAD(AAN)- Cuanto espacio tin pa hende biba na Aruba? Uno di e preguntanan cu mas y mas ta bini dilanti di parti di ciudadanonan, cu ta puntra nan mes kico mester spera di futuro.
E cantidad di edificionan grandi tur caminda na e isla, ta mas cu obvio pa miembronan di poblacion cu ta preocupa pa e cantidad di construccion tur caminda y e espacio cu ta resta pa hende biba.
Aruba ta un isla cu no por dicidi cu e ta bira mas grandi. Realidad di investigacionnan riba cambio di clima hasta ta spierta pa e posibilidad cu lama lo alcansa un nivel mas halto, loke lo afecta e cantidad di espacio cu ta resta.
Cuanto tereno a wordo uza pa construccion di edificionan grandi y con e proceso a tuma lugar?
Preguntanan cu ta wordo haci dor di Arubianonan, cu ta preocupa pa e forma cu nan suelo, nan isla, tin menos espacio pa acomoda e generacionnan cu ta bini.
E desaroyo a tuma lugar den un tempo relativamente cortico, pero awor sigur preguntanan ta wordo haci, cuanto construccion mas por tuma lugar y cuanto espacio ta keda pa hende y loke necesidad di hende ta exigi.
Den e cuadro aki ta wordo mustra tambe riba e necesidad grandi pa agricultura y horticultura haya mas espacio pa asina e Arubiano por produci su propio cuminda den un tempo sumamente dificil cu mundialmente ta wordo anuncia.
Varios metodo pa produci cuminda riba terenonan seco pero tambe menos espacio ta wordo presenta dor di Arubianonan cu ta kere cu tin futuro den campo pa agricultornan nobo cu metodonan moderno pa produci cuminda mas barata pa poblacion.
E fuente di inversionnan den edificionan grandi naturalmente ta wordo menciona. E menasa pa miembronan di comunidad un dia por tin nan propio tereno, nan propio vivienda na un isla cu a mira un construccion explosivo conduci pa gruponan desconoci pa e mayoria di e pais.
Tereno a haya hopi atencion na Aruba den casonan cu hasta ta wordo considera corupcion. Tereno, cu ta realmente e suelo, e fundeshi di e cas di e Pueblo di Aruba, cu mas y mas ta cuestiona e calidad di bida cu por ofrece na habitantenan di un isla den expansion di construccion.
DIARIO ta den contacto cu personanan preocupa pa e aumento di edificionan grandi na un isla chikito, cu ta sufri cambio riba hopi tereno debi na construccion cu ta wordo cuestiona,
