ORANJESTAD (AAN) ‒ Riba diasabra, 6 di November, 2021, Cruz Cora Aruba, despues di 2 aña ta organisa su evento anual pa recauda fondo. E aña aki den un bachi nobo,
despues cu a pasa den un pandemia cu hopi restriccion y medida di precaucion. Ta adapta pa asina por sigui padilanti cu su evento y a invita Quinta del Carmen pa host esaki.
Despues di varios reunion pa intercambia idea, Quinta del Carmen y H & H Fine Wines & Spirits a uni cu Cruz Cora Aruba pa ofrece un experiencia culinario unico combina cu biña cu a wordo scohi hunto un atardi bou palo den e bunita hardin di Quinta del Carmen. Aki Chef Jordy a presenta e menu special cu el a prepara pa 6 di November cu a laga tur hende impresiona. H & H a trece diferente biña y asina despues di e tarea dificil, a yega na e pairing ideal pa e anochi.
Cruz Cora Aruba ta invita comunidad pa aporta na su proyectonan den comunidad di e manera aki. Fondonan recauda e anochi aki, ta yuda specialmente cu programanan manera: Pan y Sopi tur diaranzon na San Nicolas, Feminine Hygiene Packages tur luna damas hoben cu no tin recurso pa cumpra e productonan aki, Sandwich Days dialuna y diabierna, programa pa nos grandinan ‘Biba Bida’ y hopi otro proyecto.
Tambe lo tene un Silent Auction Durant e anochi, cu ta accesibel riba e website www.redcrossaruba.com y lo ta habri pa bidding entre 6pm-10pm diasabra 6 di November, 2021.
Por reserva ticket na This email address is being protected from spambots. You need JavaScript enabled to view it. of por pasa na Cruz Cora Dakota entre 8am-12pm y na H & H Fine Wines & Spirits na Ponton. Delivery tambe ta posibel.
Yuda Nos, Yuda Otro!
