A publica raport y pa prome biaha ta inclui Aruba
*Tratado ta pa preveni labamento di placa y financiamento di terorismo
ORANJESTAD (AAN): E Conferencia di Miembronan di e Convencion di Conseho di Europa relaciona cu labamento, buskeda, combate y confiscacion di productonan di crimen y di financiamento di terorismo (conoci como e Convencion di “Warsaw”) a publica un raport tematico evaluando pa prome biaha e cumplimento di Aruba (Reino Hulandes) cu algun disposicion di e tratado.
E raport ta evalua e implementacion di disposicionnan cu ta referi na: inversion di e carga di prueba den e procedimentonan di confiscacion, maneho di propiedadnan confisca of congela, supervision di operacionnan bancario como medio di investigacion, delito di labamento di placa, responsabilidad di e empresanan, recidivismo internacional, posponemento di transaccionnan sospechoso y e partimento y devolucion di e bienes confisca.
E documento tambe ta contene recomendacionnan pa Aruba mehora su cumplimento cu e disposicionnan di e Convencion.
Recomendacionnan principal pa Aruba
Entre e recomendacionnan mas importante ta:
- Sigui fortalece e uzo di e mecanismo pa reverse e carga di prueba (Articulo 3(4)).
- Desaroya caso pa monitorea operacionnan bancario segun e podernan legal (Articulo 7(2)).
- Aumenta consenshi entre autoridadnan riba elementonan di labamento di placa individual y corporativo (Articulo 9(3) y 10).
- Introduci claridad den legislacion pa considera recidivismo internacional den determinacion di penalidad (Articulo 11).
- Implementa medida pa maneho eficaz di bienes secuestra, incluyendo bienes complica cu por genera ingreso (Articulo 6).
Importancia di e Convencion di Warsaw
E Convencion di Warsaw, cu ta en vigor for di 2005, ta e prome tratado internacional cu ta cubri tanto prevencion como control di labamento di placa y financiamento di terorismo. E ta introduci standardnan fuerte pa responsabilidad penal di individuonan y companianan, y ta duna autoridadnan nacional e poder pa detene transaccionnan sospechoso na un etapa tempran pa evita nan movimento den e sistema financiero.
E raport ta sirbi como un yamada pa actua riba e gapnan den e implementacion pa yuda Aruba logra mayor cumplimento cu e standardnan internacional.
