Problemanan structural manera di edad a topa cu reto nobo
- Aumento di prijsnan ta un factor mas den e sector vital
- Despues di 2025 situacion mundial hopi dificil por presenta
ORANJESTAD(AAN)- Cuido Medico por wordo considera como e ramo central den bida di hende. Calidad di Cuido Medico ta decisivo pa pa bida di hende.
Sinembargo, poco atencion ta wordo dedica na e olanan bruto cu ta afecta e sector aki debi na cantidad creciente cu ta menasa e base di Cuido Medico.
Ora papia di por ehempel inflacion y e aumento di prijs relaciona cu esaki, ta pensa hopi bez riba hamburger, betro y luho cu ta na peliger.
Kico e inflacion actual ta haci cu Cuido Medico, ta un asunto cu DIARIO continuamente a sigui di acerca y cu awor ta motibo pa na nivel internacional, alarma wordo bati.
Costo di cuido medico no ta un problema cu lo desaparece sin mas, hasta si guera na Ukraine termina.
Ultimo informacionnan ta papia, a base di e retonan actual, cu na 2025 un situacion mundial dificil por presenta su mes na mundo, cu mester tene cuenta cu tur loke Cuido Medico ta exigi.
Mester di placa naturalmente pero placa pa cubri mucho mas tipo di gasto cu ta bini dilanti. No ta solamente transporte, cu den caso di medicamento por ehempel por ta mas costoso ya cu tin medicamento cu no por cu un ambiente calor.
Prome cu prijs di petroleo a bira manera jackpot, tabata tin situacionnan pa cual a bati alarma den mundo di Cuido Medico cu mester di personal, ekipo, material cu ta varia di brake pa ambulance te na catuna.
Ora papia di sector di Cuido Medico ta papia di hende cu mester traha un trabou sumamente exigente cu por afecta bida di hende den tur caso.
Uno di e problemanan pa cual for di añanan Setenta di Siglo Dos Mil a bati alarma, ta e hecho cu edad di hende ta subi. Esaki ta nifica cu e cantidad di hende cu ta bira grandi tambe ta subi, loke ta aumenta e necesidad di cuido.
Na mes momento den e cantidad di hende cu ta bira grandi, tin tambe e profesionalnan cu mester duna cuido na hende, manera dokter, un asistente specialisa na cas, asistente di dokter, laboratorio, personal prepara pa ambulance, ekipo pa mantene aparatonan super moderno y asina por sigui.
E cantidad di trahador nobo den tur sector rond mundo a baha hunto cu e cantidad mas abou di hende cu a nace. E cantidad di hende cu ta retira debi na edad a aumenta hunto cu e cantidad di hende cu a bira mas grandi y mester di mas servicio y asistencia.
Esaki ta uno di e problemanan mas grandi cu Cuido Medico tambe conoce mas ainda na un mundo cu kier a mara Cuido Medico na edad maximo sin tene na consideracion e trabou cu hende por produci ainda na edad halto.
Loke awor ta suavisa e problema ta regreso di enfermeranan y otro personal haltamente cualifica na e proceso di trabou pa yuda reduci e falta di trahador.
Esaki ta nifica sinembargo, cu mester tin placa pa paga e costo di personal cu ta subi mientras cantidad pero tambe calidad di personal prepara ta progresa.
Conocemento creciente di hende a percura pa mas y mas uzo di ekipo special den cuido medico mescos cu mas remedi.
Prijs di transportacion a subi no solamente pa motibo di petroleo pero tambe debi na e circulo di inflacion cu tin e mundo den su gara.
Concientisacion di Pueblo riba e balor di Cuido Medico pa nan bida, ta bira tur dia un exigencia mas grandi.
Responsabilidad di hende enfrente nan salud mester aumenta. Kico ta come, cuanto ora ta drumi, ki estilo di bida y calidad di higiena ta mantene?
E responsabilidad propio di e ciudadano pa cuida su mes y publico a wordo demostra tempo di Covid-19 y awe mester haya continuacion pa evita cu gasto medico ta sigui subi.
Tin guera. Tin problema mundial di tur indole. Pero ta keda na hende pa cuida su bida na cas, den trafico, den retonan deportivo y sigur den aventura ya cu desafio di morto a bira un hobby basta popular cerca sigur hobennan.
DIARIO lo sigui cumpli cu su responsabilidad di informa pa asina hunto por evita cu na 2025 e problemanan lo culmina a base di problemanan existente sin inclui loke por surgi na forma inespera.
