ORANJESTAD (AAN): E siman aki, señora Marylène Koelewijn a huramenta dilanti President di Corte Comun di Husticia, mr. Mauritsz de Kort, como miembo di Conseho pa Aplicacion di Ley (Rechtshandhaving).
Despues di a traha den sector priva pa varios aña, Marylène Koelewijn a ocupa varios puesto paden (y pafo) di Ministerio Publico desde 1995, y ultimo di nan esun di Fiscal reemplazante. For di 2016 te cu 2022, e tabata tambe miembro di comision di e Comision Hulandes Regulador di e Servicionan di Inteligencia y Seguridad (CTIVD).
E asina yama Raad voor de Rechtshandhaving ta un organizacion internacional cu personal huridico di Curaçao, St. Maarten, y Hulanda (pa loke ta BES Eilanden). E organo aki ta encarga cu e aspecto general di e organizacionnan di e cadena hudicial, cu excepcion di Corte Comun di Husticia (na Curaçao, St. Maarten, Bonaire, St. Eustatius, y Saba). E Conseho ta examina e efectividad, e calidad di eherce tarea, y e maneho. Ademas e Conseho ta encarga cu inspeccion general di e calidad y efectividad di e cooperacion hudicial entre e paisnan.
