Gabriel Murray, director Departamento Medio Ambiente, Naturaleza y Agricultura di Corsou:
ORANJESTAD (AAN) – Gabriel Murray, Director di Departamento di Medio Ambiente, Naturaleza y Agricultura di Corsou, den un entrevista cu DIARIO, el a declara cu despues di e prome simposio “Dutch Caribbean Agriculture Visioning Process” cu a tuma lugar na Corsou, cual tabata e inicio cu e seis islanan a purba y logra haya tur e cabesnan hunto, pa traha conhuntamente riba e tereno di “food security”, nan a topa den e simposio aki na Aruba, Murray a señala.
Despues di e momento grandi ey unda sigur Aruba y Corsou a firma un convenio chikito pa bin na loke nan ta awe na Aruba p’e, t’asina aki cu nan a sigui cu e proceso pa fortifica loke nan ta haciendo riba ‘food security’. El a menciona algun punto. Berdad nan tin un “hydroponic system” cu ta hopi importante pa educacion na Corsou. E hendenan por uza e sistema aki pa cushina nan mes cuminda.
Di dos, tambe nan tin nan “Life for System”, unda nan a importa bestia di razanan nobo, cabrito y carne, p’asina nos fortifica e razanan na Corsou. Di tres, nan ta pushando masha duro mes pa loke ta e area di pesca, cu nan ta bay hacie mas y mas anto nan tin un programa grandi unda ta pone señalnan den lama, pa dirigi e piscadonan di Corsou pa bay pisca ayanan, no pa pesca so pero unda nan ta stimula e ecosistema caminda no tin hopi pisca, pa nan por crece y crece mas tanto durante e tempo, segun señor Murray a comenta.
Encuanto e procedencia di e alimentacion na Corsou, di 95 pa 98% ta wordo importa ainda, y e punto ta cu e colaboracion cu nan tin aworaki pa yega na Aruba y e otro islanan, ta asina pa nan produci loke por crece na gran escala na e islanan, diversifica, y asina bay yuda otro cu un parti di e cuminda, pasobra importacion ta bay keda.
“Pero loke nos ta bay produci hunto, localmente ta loke nos tin cu bay p’e. Esaki ta un proceso pa cuminza aworaki, y nos tur tin cu siña di dje. Nos sa caba cu nos no ta pone 2025 of 2026, nos mester cuminza riba trayectonan di cada cinco y diez aña. Pero, ami mes ta kere cu den e lapso di 2050 nos tin e lineanan caminda nos por traha hunto cu e produccionnan cu nos por logra”, señor Gabriel Murray a conclui.
