ORANJESTAD (AAN): Curaçao ta bay bira interport pa biahenan crusero den regoón di Caribe.
Esaki danki na un colaboracion entre e empresa Britanico Ambassador Cruise Line y Corendon. Esaki a keda anuncia na Curaçao door Atilay Uslu, CEO di Corendon.
Na tur lo tin 10 cruise durante e temporada halto di 2025/2026. E cruseronan den colaboracion cu Corendon ta cuminsa den high-season crusero di november 2025, cu embarcacionnan riba diarason y diasabra for di haf di Willemstad pa islanan manera entre otro Guadeloupe, Barbados, St. Kitts, St. Lucia, St. Maarten, Aruba y Boneiro. E prome biahe for di Corsou ta sali 19 di november 2025. E ultimo ta programa pa 21 di februari 2026.
Pa e cruise ta bay uza e barco crusero Renaissance di e empresa Britanico Ambassador Cruise Line cu hunto cu Corendon ta bay organisa biahenan crusero den Caribe. Renaissance no ta desconoci pa Curaçao y región di Caribe. Antes lo a sirbi como e Maasdam di Holland America Line (HAL).
Corsou ta bira un haf pa Renaissance na unda pasaheronan di Corsou, Merca, Sur America, y regional di Aruba, Bonaire y Surnam por subi e barko. Corendon ta bay enfoca pa su cruisenan tambe riba bishitantenan di Hulanda y otro pais manera Belgica y Inglatera, cu via Corendon por subi e barco na Corsou. Pasahero ta subi abordo pa un bishita di 10 te 11 anochi.
E duracion di e biahe ta bay depende di e ruta. Por scoge diferente ruta riba diferente fecha, asina Uslu a anuncia durante un conferencia di prensa den The Rif Resort Curaçao.
Renaissance ta un barco crusero di e clase Statendam cu 629 cabina. Den luna di october 2022 e barco a keda completamente renoba y revisa pa Damen Shipyards den e haf Frances Brest.
