ORANJESTAD (AAN): Guardacosta di Caribe Hulandes a cera un contract nobo pa helicopter y pa e avionnan Dash-8 di patruyahe.
Relaciona cu e hecho cu e contractnan ta bay vence, a traha ultimo añanan riba ekipo nobo pa accionnan di reconocemento aereo y buskeda y rescate. Durante e prome cuartal di 2022 e contractnan a keda firma.
Cu e compania Canades PAL Aerospace Ltd. y esun Hulandes Jet Support B.V., e contract pa e avionnan di patruyahe Dash-8 a keda extendi.
E dos helicopternan nobo pa search and rescue (SAR) lo keda entrega pa e compania Britanico Bristow Helicopters Limited. Cu ambos contract, Guardacosta di Caribe Hulandes ta sigura su mes durante e diez añanan cu ta bini di aeronavenan cu sensornan y medionan di comunicacion di calidad halto.
E helicopternan nobo lo wordo entrega, segun e pronostico den curso di 2023. E avionnan ya ta den uso, pero prome cu cuminza cu e contractnan nobo e ekipo lo pasa den un modernizacion extenso.
E ekipo nobo ta hopi adecua pa tareanan di investigacion, supervicion y rescate riba lama.
Guardacosta di Caribe Hulandes ta contento cu e contrakt nobo nan. Defensa su departamento di Materieel en Organizatie (DMO) a percura pa e destaho tambe.
