Directie Natuur en Milieu:
ORANJESTAD (AAN): Directie Natuur en Milieu a duna di conoce cu conservacion di e Gutunan of tambe yama pisca Rab’i Gay ta hopi importante pa e salud di nos rifnan di coral. E grupo di pisca aki ta come alganan cu por sofoca e coralnan y asina nan ta yuda mantene e ecosistema di rif saludabel y den balans.
Ta e gutunan ta produci e santo blanco di nos beachnan. Sin e famia completo di e gutunan, nos rifnan ta sufri y nos beachnan por disparce.
Esun aki ta e gutu cu nan ta yama na Ingles "spotlight parrotfish", ora nan ta chikito (den fase inicial) nan ta color maron cu bariga cora, y cu pik pik blanco parti ariba di su curpa.
Den fase adulto, e pisca ta cambia di sexo, di femenino pa masculino, y cu esaki su color ta cambia. E machonan ta bira color berde blauw bibo cu mancha geel na nan rabo. Sinembargo, algun macho no ta cambia di color na e mesun momento cu nan cambia di sexo.
Durante e fase inicial, ta calcula cu mas o menos 4% di e gutunan so ta macho.
