ORANJESTAD (AAN): E actor Enrique Rocha a fayece diadomingo na su 81 aña, segun Oscar Espejel, empleado di e actor.
Sin cu a difundi detayenan di fayeciemento, varios usuario a cuminsa manda nan condolencianan na e famia di e actor, cu a nace na Guanajuato na 1940.
E morto di e actor a wordo confirma pa e ruman di e empleado di e actor, Carlos Espejel, kende ta hopi cercano na famia di e fayecido artista: “Lamentablemente el a fayece. E tabata dne bon salud, no tabatin ningun antecedente, tur cos tabata hopi lihe y di manera natural”, Espejel a bisa, sin duna mas detaye riba e causa di morto.
Productor di Televisa, Reynaldo Lopez a lamenta e perdida: “Tremendo perdida pa mundo di espectaculo, un leyenda hopi stima y admirado Enrique Rocha, Dios bendiciona “Rochon”. Nos lo haya su falta”, el a tweet.
Enrique Miguel Rocha Ruiz a nace na Silao, Guanajuato y a destaca su carera principalmente pa duna bida na un gran cantidad di viyanonan den television, ademas di ta plenamente identifica pa su tono di voz, cu el a graba pa propagandanan y proyectonan di locucion.
