Di Carnaval 2020 pa Carnaval 2022 un mundo den angustia! --- * Despues di crisis di Ukraine mester reforma economia mundial --- * Economia mundial ta recorda dos aña di asalto directo
ORANJESTAD (AAN)- Carnaval 2020. Mientras ainda hopi hende ainda tabata kita disfraz, ya e Coronavirus nobo a azota e futuro di mundo.
For di Januari 2020, diferente pais a nota aumento di e cantidad di malesa provoca pa e virus, pero tabata den e celebracionnan di Carnaval cu el a haya su forma pa deshaci di tur barera y hinca mundo den un situacion destroso.
For di momento cu e coronavirus nobo a ataca na 2020, mundo tabata mescos.
Proyeccionnan internacional a basha abou mientras paisnan mester a cera nan portanan pa trata di evita su entrada.
Na 2022 mundo a planea cu e lo a scapa di e Coronavirus nobo. Informacionnan di e parti Occidental di mundo ta afirma cu na hopi pais e malesa a baha considerablemente loke ta habri porta pa trata di yega na un normal nobo.
Na e parti Oriental di Europa y di mundo, drama ta wordo skirbi ainda dor di e Coronavirus nobo, cu su variante Omicron, cu por wordo sigui pa e variante nobo y pa cual ya a cuminsa duna un segundo shot na varios pais.
Uno di e partinan cu ainda ta exponi na e peliger di e virus ta e zona di guera na Ukraine y paisnan caminda no tin Carnaval na 2022 pero concentracionnan di tropanan arma den un conflicto, cu Vladimir Putin a bisa por bira un conflicto nuclear.
Kico por spera di Vladimir Putin ta dificil pa bisa pasobra e no tin salida. Si Vladimir Putin hala atras na e momentonan aki, e mester enfrenta Pueblo di Rusia mes na prome lugar.
Esaki ta haci cu e situacion ta sumamente peligroso pa un mundo cu durante dos aña a trata di bolbe na normalidad, cu cada rato ta parce mas leu.
DIARIO a discuti e situacion actual cu expertonan cu ta mustra con e Coronavirus a paralisa mundo ora el a ataca.
Na 2021 mundo a wordo confronta cu e prijsnan di petroleo ora mundo tabata yega na un acuerdo pa clima y final di gas y petroleo.
Den e situacion aki, mundo a conoce un aumento substancial di petroleo cu a afecta tur prijs na mundo y a resulta di un aumento enorme di costo di bida, cu ta un crisis mundial nobo, cu lo bira mucho mas serio cu hopi lo pensa.
Na e momentonan aki, companianan grandi internacional a cuminsa tuma accionnan contra Rusia.
Manera DIARIO for di e prome momento cu guera a rementa a trece dilanti, esaki a afecta e comercio mundial den cual Rusia tabata tuma parti.
Expertonan ta insisti riba e inflacion fuerte cu ta sigui crece ya cu e conflicto na Ukraine a dura mucho mas cu a spera y medidanan cu ta wordo tuma ta na nivel economico cu ta haci cu ta isola Rusia.
Di e forma aki cantidad imporante di companianan cu interes na Rusia of cu na mundo liber tabata tin interes di Rusia, ta wordo afecta.
Resultado lo ta un mundo cu mester wordo reforma riba tereno economico ya cu enomia actual ta wordo derumba.
Na e momentonan aki e companianan cu ta tuma sancion di Shell te Facebook, ta afecta nan mes tambe directamente mescos cu companianan cu ta depende di nan.
Den e siman cu ta bini e resultadonan economico y loke nan lo nifica pa mundo, lo bini dilanti.
Sumanebte tristo ta keda e loke a pasa cu hende.
Kico ta spera mundo proximamente? Kico Omicron of su variante pa no papia mes di Delta cu ainda ta presente na varios pais, lo por haci ainda?
Expertonan a indica cu ningun instancia, gobierno of persona tin e contesta. Hecho ta cu di Carnaval 2020 pa Carnaval 2022, mundo ta cana den un incertidumbre cu awe a yega su punto mas halto y lo exigi un reformacion economico, financiero y social completo!
