Mediador di Gobierno Anselmo Pontilius:
ORANJESTAD (AAN): Tin hopi trahado cu no ta inscribi na SVb, segun Mediador di Gobierno, Srr. Anselmo Pontilius. El a remarca e hecho cu pandemia a afecta Aruba y con bin tin trahadonan cu no tin nan seguro.
El a puntra kico ta e motibo cu Gobierno no ta controla. E hecho cu por bisa cu mas cu mil trahado cu no ta inscribi na AZV. Consecuentemente no ta haya e primanan di belasting, entre otro.
Pontilius a sali bisa cu Hospital a sali bisa cu pais Aruba debe Hospital e tratamentonan cu a duna na e personanan indocumenta. "Dicon nos a tarda pa atende cu nan y nos no por keda pospone nan".
El a agrega cu a pesar di e pandemia tin un cantidad di dunado di trabao cu no ta cumpli. A pasa un ley cu tur dunado du trabao cu tin un trahado den servicio tin cu percura tur luna, ademas di paga prima di AOV, AZV, pero paga un prima di pensioen cu tin cu bay un compania cu ta encarga cu pensioen priva.
Ta resulta cu un cantidad di compania no ta cumpliendo. P'esey Anselmo Pontilius ta cuestiona con un isla chikito no por controla empresanan, sea den construccion, den comercio y wak si nan ta cumpliendo, el a bisa.
A caba di tuma nota atrobe cu mas botonan ta yega y cu cantidad di hende indocumenta a yega Aruba. E parti di control ta hopi importante y den esaki a haya severamente, mediador a indica.
E reto grandi cu tin ta cu e cifranan di Oficina di Estadistica ta bisa cu e persona individual su so, cu no tin 2600 Florin pa luna di entrada tin dificultad pa drey rond.
Lo mester tin un estudio cu ta determina kico ta wordo considera ora un persona ta na nivel di pobresa, el a señala.
"Si na e momento aki nos haci e pregunta, di 40 pa 45 mil trahado cu ta traha den sector priva, cu no ta traha pa e aparato gubernamental, por puntra bo mes cuanto trahado tin un salario di menos di 2600 Florin pa luna", el a expresa.
Aworaki tin e discusion di e aumento di sueldo minimo pa dia 1 di januari. Tin varios componente den dje. Tin dunadonan di trabao cu ta adverti pa no aument'e manera tin planea. Pero no ta aumento di salario minimo so, pasobra por ehempel, e aumento riba e tarhetanan di debito, si no regl'e, e comerciantenan ta pas'e pa e publico.
Un isla chikito mester sinta analisa con por alivia esaki y no pretende cu nan no t'ey. Ta e mesun situacion pa loke ta e parti di enbehecemento caminda aworaki tin deficit di luganan pa pone hende grandi keda. Con ta bay comberti edificionan existente den luganan adecuado pa nan keda.
Banda di esey, ora cu tin nan eyden, tin e fondonan, e hendenan capacita pa traha y den esey tin falta di personal cualifica pa haci e trabao ey di cuida hende grandi, Anselmo Pontilius a declara.
