Parlamentario Marco Berlis di MEP
ORANJESTAD (AAN): Diaranson siman pasa, Aruba a worde bishita pa barco turistico cu tabata hospeda 5.000 hombernan homosexual. E ultimo biaha cu esaki a yega di sucede ta data un poco mas cu dies aña pasa. Den e ocasion ey e turistanan homosexual aki a disfruta di e producto turistico di Aruba grandemente. Nan a bin pa disfruta sanamente di nos pais y sigur nan presencia a aporta grandemente na nos economia.
Sinembargo, e experiencia cu e 5.000 pasaheronan homosexual cu a yega diaranson ultimo tabata completamente contrario cu esun di biaha pasa. Nan comportacion extremo y immoral no solamente a kibra leynan di nos tera, pero nan actitud di libertinahe a demostra na un y tur cu nan no ta respeta ningun hende ni nacion. Den diferente lugar nan a falta respet, kibra tur etica moral pa tur esnan presente sin considera cu tabata tin muchanan presente. Nos por a constata esaki atravez di algun videonan cu tabata circula pero tambe di e storianan di algun testigo.
Nikky Beach: Segun Berlis, Nikky Beach a worde conberti den un scenario di orgia na unda cu varios testigo a conta den horor, con homosexualnan tabata “finger” otro den pleno publico. Tabata tin un boter di lubricante riba e bar di e beach cu nan tabata usa y tabata tin sex den pleno bista di tur hende.
Mayornan cu tabata hibando nan yiunan pa zwemles na Nikky Beach a wak den horor y a keda cu trauma kico tur tabata pasando. Nan mester a core huy cu nan yiunan for di e lugar unda tur e barbaridadnan aki tabata tuma lugar. Trahadornan tambe a keda trauma di tur esaki.
Patio 15: Patio 15 a prepara un evento special pa e pasaheronan homosexual. Esey riba su mes ta mas cu nan derecho. Sinembargo cos a bay hopi liher for di man y a capta riba video con algun di e personanan aki tabata tin sex den pleno bista di pueblo, considerando nan tabata pafo den e patio di e negoshi!
Esey ta djis un instante cu a worde capta. Berlis a bisa cu ningun momento gerencia a condena esaki ni trata na stop e actonan aki contra nos leynan nacional.
E Siguiente Dia: Aruba a lanta e siguiente dia den horor, disgusto, y rechaso total di e comportacion inacceptabel di e turistanan homosexual. Y cu tur rason; di con niun hende a interveni? Di con polis no a worde yama? Di con negoshinan no a interveni? Aunke e videonan ta circulando tur caminda ainda por wak con algun hende tin e curashi pa defende e accionan for di sla di e turistanan aki. Aruba a haya un prueba chikito con e grupo di “Orguyo” y “LGBTQ+” ta move na Merca y exterior.
Esaki ta e “tip of the iceberg.” Esaki ta e comportacion cu “Orguyo” internacional ta representa y ta influencia e nacionnan cune. Nos educacion, nos muchanan, nos decencia como pueblo, nos etica, moral y balornan tur ta na peliger pasobra un minoria awor kier impone leynan riba nos pueblo, cu sigur den su gran mayoria ta worde rechasa. Nos principionan, etica, balornan, moralidad y futuro di nos pais ta bao di atake y pueblo por conta cu mi sosten pa sigui duna resistencia contra e desaroyo adverso aki. Mi ta kere den igualdad pa tur hende, pero sigur no un cu ta perhudica y destrui un nacion su cultura, balornan y dignidad. Aruba merece mihor!
Si pueblo desea mas informacion di e articulo aki, contact e na tel: 528-4639 of email e na: This email address is being protected from spambots. You need JavaScript enabled to view it.
