Shurman Milliard, director di FTPH:
ORANJESTAD (AAN) – Internet ta un servicio cu Fundacion Telefon pa Hubentud ta mira como algo cu por word uza di forma positivo, pero tambe tin su parti negativo. Shurman Milliard, director di FTPH, a bisa cu e aspecto negativo ta ora ta duna informacion cu no a adecuado, cu no tin nada di haber of na un mucha cu ta den un edad cu no ta cla pa haya esey, y e ta bay canalice na un manera negativo of hasta malo. Milliard a bisa cu e ora ey e outworking ta bay ta malo tambe.
“Como profesionalnan nos ta use di forma positivo, unda por haya hopi informacion di otro paisnan cu a bay pa algo similar, pa asina por yuda nos mesun comunidad, y tambe otro comunidad cu no a asina leu pa haya e problema ey ainda, pero nan por haya e informacion ey”, Shurman a comenta.
El a subraya cu FTPH tin su mes website, nan mes canal di Youtube Channel, pues nan tambe ta parti die informacion cu dus ta parti di internet. “Pues, nos ta pone nos informacion, proyecto pa asina na otro pais por wak cu na Aruba tin un proyecto contra termento, of un proyecto ‘I stopped it’, anto nan kier wak con nos a desaroya esey”, Milliard a indica.
Shurman Milliard, a agrega cu tambe ta conoci cu FTPH tin proyectonan cu nan ta desaroya den bario. “Telefon pa Hubentud den bo bario, ta algo cu tambe nos ta pensa cu otro fundacion, otro pais, otro manera di pensa, tambe por haci’e pa reach e grupo meta. Pues, internet nos ta mir’e como algo positivo, canalice y use pa positivismo”, el a reitera.
