ORANJESTAD (AAN): E pasado di sclavitud colonial di Hulanda y su impacto a forma diferente pais rond mundo profundamente.
Toch e conocemento cu ta disponibel tocante e pasado di sclavitud comparti aki ta skirbi particularmente for di perspectiva colonial.
Pa enrikece nos perspectiva, minister Dijkgraaf (Enseñansa, Cultura y Ciencia) ta cuminza awe na Aruba, un cooperacion global di cientificonan riba e topico aki. Esey el a anuncia awe durante un mision di conocemento den Caribe.
Aki Ministro Dijkgraaf a declara: “Mas conocemento cientifico di nos pasado comparti ta di gran importancia. Den esey ta esencial cu tin espacio pa haci investigacion for di perspectivanan nobo, na e luganan caminda sclavitud tabata existi. E conocemento cu esey produci ta di gran balor pa compronde nos historia comparti mas miho. Mi ta consider’e hopi balioso pa por inicia e programa di investigacion aki durante e Aña di Conmemoracion Pasado di Sclavitud.”
Cuminsa den e area Caribense: Dijkgraaf kier promove colaboracion di conocemento riba pasado di sclavitud entre universidadnan rond mundo, cuminsando den nos propio Reino. Pa investigacion na Aruba, Curaçao y Sint Maarten e ta destina 375.000 euro te cu 2027. Cu esey cientificonan local por haci investigacion riba pasado di sclavitud den e paisnan aki.
Lo tin posibilidad tambe pa haci investigacion riba e topico aki na Hulanda Caribense (Bonaire, Saba y Sint Eustatius). Pa esaki tin un presupuesto apart.
Liña cora rond mundo: Hulanda tin laso profundo cu Sürnam, Indonesia y Sur Africa tambe, debi na e pasado di sclavitud comparti. Hulandesnan a bende hopi persona sclabisa aya, of a transporta nan via e paisnan aki.
E contexto historico y contemporaneo ta diferencia di un pais pa otro. Trece e diferente perspectivanan hunto ta di gran balor agrega pa miho comprension di nos historia comparti. P’esey Dijkgraaf kier duna hunto cu Sürnam, Indonesia y Surafrica, e investigacion cientifico riba pasado di sclavitud tambe un impulso den e paisnan ey. E idea pa esaki a surgi durante misionnan di conocemento na e paisnan aki, na unda Dijkgraaf a papia cu diferente cientifico cu ta investigando e pasado di sclavitud. E plan ta pa duna e cooperacion cientifico di mes manera forma, manera den e parti Caribense di nos Reino.
E prome combersacionnan cu e paisnan aki ta positivo. Ta existi un gran sentimento comparti riba importancia di colaboracion cientifico.
Comparti conocemento: Comparti conocemento ta un punto di salida importante di e programa di investigacion global. Na e momentonan aki ta elaborando riba con e lo bay ta. E prome ideanan ta pa crea un red di investigacion, exposicionnan ambulante, un buki of un conferencia di apertura y clausura. Cientificonan Hulandes tambe lo haya un papel den esey. Mas lat e aña aki esaki lo haya mas forma.
Mas espacio pa diferente perspectiva den enseñansa y investigacion: Secretario di estado Van Huffelen a anuncia aña pasa na e conmemoracion di Tula na Curaçao cu gabinete ta establece un catedra pasado di sclavitud pa Aruba, Curaçao y Sint Maarten. Awor Dijkgraaf ta duna contenido na esey cu e cooperacion cientifico aki, den forma di un catedra internacional impacto di e pasado di sclavitud. Tambe gabinete ya a anuncia e beca di Tula, cu ta carga nomber di e lider di e rebelion grandi di esnan sclabisa na 1795 na Curaçao. Pa medio di e beca aki, pa aña un studiante di Curaçao ta haya oportunidad pa sigui un estudio bachelor di docente di historia na Hulanda na un academia di su escogencia. Di manera cu tin mas espacio pa diferente perspectiva den enseñansa y investigacion.
