Segun director di Aduana Ricky Croes:
*Esaki cu introduccion di BBO na frontera
ORANJESTAD (AAN) – Den conferencia di prensa yama pa Minister di Finanzas Xiomara Maduro tocante e tema di BBO na frontera, director di Aduana, señor Ricky Croes, tambe a hiba palabra.
El a splica con e sistema di BBO na frontera ta hinca den otro, unda na final e producto importa pa wordo rebendi, ta paga menos na BBO.
Croes a cuminza pa pone como ehemplo, ora un comerciante ta cumpra un solar panel pa rebende. Den e caso aki, e comerciante tin un derecho di deduccion di locual e ta paga na BBO, na entrada.
Croes a splica cu antes, ora un comerciante tabata importa un solar panel di diez mil florin, por ehemplo, e ta paga un tasa di invoerrechten di 2%. Esey ta e beleid cu tin pa tur e productonan pa energia alternativo.
Den e caso cu e comerciante aki bende e solar panel na un balor di 15 mil florin, E ta paga 7% di BBO riba e volumen di benta, cual lo bira 1050 florin. Na final di dia, e comerciante ta paga 200 florin na invoerrechten, y 1050 na BBO. Esey ta vast.
Pa consumidor e unico gasto cu e tin ta e 15 mil florin cu el a paga pa e solar panel. Despues di 1 di Juli, cu introduccion di BBO na frontera, e mesun comerciante ta importa solar panels na un balor di 10 mil florin, e cambio cu ta bay tin ta 0% Invoerrechten (0 florin), e ta bay paga tame BBO na frontera cu ta bira 7% di Douanewarde, cu ta 700 florin. E comerciante, na momento cu e ta bende e panelnan aki, lo tin cu bende na e prijs di 14.800 florin, teniendo cuenta cu e ta keda cu e mesun margen di ganashi cu e tin aworaki, pa motibo cu el a haya un reduccion di invoerrechten di 200 florin. E comerciante ta paga, na momento cu e ta importa, 7% di BBO na frontera cual lo bira 1036 florin, pasobra esey ta locual e reduccion tabata.
Na momento cu e mesun comerciante bende e producto e tin cu paga 7% di BBO riba su volumen di benta, cual lo bira 7% di e 14.800, cu ta bira 20.036 florin.
Na final di dia e comerciante ey tin un derecho di deduccion y e ta kita for di e BBO cu e mester paga na Belastingdienst di 1.036, e 700 cu el a paga na frontera caba, y e ta paga solamente 336 florin na DIMP.
Esaki kiermen cu na momento di paga e BBO ta wordo parti den dos. Uno ta wordo paga na frontera y e otro ta wordo paga despues pero si mira e ehemplo aki, di facto e solar panelnan aki, a baha cu 200 florin y e comerciante ta paga e ora ey den total, poco menos na BBO.
