ORANJESTAD (AAN): Riba Diahuebs anochi a tuma lugar e Lotto di Dia Roll Down cu tabata special pa Sinterklaas.
E biaha ey no tabatin ganador cu tur cinco number bon, pues e premio a bay pa esnan cu tin cuatro cifra bon.
Y aki ta unda cu Herman a gana basta bon! El a cumpra e oferta di ‘Combo’ pa Lotto di Dia. Y cu esaki el a logra di gana 12.220 Florin.
El a presenta Diabierna na oficina di Lotto, unda e funcionaria a revisa e code riba su smartphone, y mesora computer di Lotto a confirma cu Herman a gana 12.220 Florin.
Mesora e premio a wordo transferi electronicamente pa su cuenta di banco. Herman a indica cu e ticket ganador el a cumpra riba su smartphone cu Lotto Aruba Online.
