ORANJESTAD (AAN): Manera cu DIARIO a informa siman pasa den seccion di Hubentud den Movecion,
ta cu e alumnonan di Colegio San Antonio a tene un ‘Food Drive’ unda a pidi comunidad pa yuda nan recauda e.o. cuminda di bleki, of den paki, pa por yuda esnan den necesidad.
Riba e potret aki por mira e resultado final. Ta importante pa para keto y contempla cada bendicion cu nos ta ricibi. Den momento di gratitud e porta di bondad ta habri pa esnan rond di nos cu no ta conta cu nos mesun dicha. Pesey e ta importante pa inculca amabilidad y bondad den curason di nos alumnonan.
Pa mas di 20 aña Ayudo Parokial di Santa Cruz ta conta cu e scol su donacion di comestibel. Nan ta registra famianan den e parokia cu tin mester di un extra ayudo, specialmente den dianan di fiesta. Colegio San Antonio ta contento cu tur aña di nobo nan por conta cu e contribucion di hopi hende cu ta haci e donacion aki posibel. Danki na cada un di boso.
E ta dushi pa mira e crecemento y entusiasmo di e alumnonan ora nan ta participa na tipo di proyectonan asina. Cabezantenan a observa y admira nan y ta kere cu di berdad e futuro di nos isla ta den bon man.
Practica di gratitud ta yena cada curason cu alegria. Tuma tempo den e dianan aki cu nos ta prepara pa celebra nacemento di nos dushi Niño Hesus pa gradici nos bon Dios pa tur bendicion cu nos a ricibi den e aña aki cu ta cabando,
