Awor e lo ta riba Linearpark....
ORANJESTAD (AAN): Manera cu DIARIO a trece dilanti, Directiva di Colegio San Antonio MAVO di Santa Cruz ta preparando pa un evento grandi pa yuda recauda fondo.
Nan ta organizando un caminata pa tur hende, esta un 5K Fun Run & Walk, combina cu un Rifa special unda por gana premio cash. E lo ta Diasabra venidero mainta trempan.
E ta un actividad pa yuda alumnonan di e scol recauda fondo, pa nan ta cla pa un Viahe Escolar cu lo socede na October 2024.
Nan asina yama ‘Back 2 School 5K Fun Run & Walk” lo start Diasabra 24 di Augustus 2024 pa 6:30 am. Registracion lo socede pa 6:00 am e mainta ey mes na Linear Park na Playa. E salida y final lo bay ta na Linear Park mes.
Nan rifa special: Ademas di e caminata, nan tin un Rifa cu ta wordo bendi na 10 Florin pa ticket, y sorteo lo ta mesun dia. Prome premio ta 1.000 Florin cash. Di dos premio ta 750 Florin. Di tres premio ta 500 Florin.
Segun Colegio San Antonio, no ta necesario pa participa na e Caminata pa por gana e rifa.
