Sue-Ann Ras, Lider di Codigo di Proteccion:
ORANJESTAD (AAN) Codigo di Proteccion ta un manera di traha preventivo. Asina Sue Ann Ras, Lider di e Proyecto a reitera, den entrevista cu DIARIO.
A traves di esaki nan ta purba evita cierto tiponan di abuso di mucha pa nan no sosode. E Codigo di Proteccion ta mas tanto, dirigi na profesionalnan; y tocante actividadnan di carnaval, Sue Ann a subraya cu mayornan mes mester asumi nan responsabilidad na unda nan ta opta, pasobra e ta un escogencia cu e mayornan tin, pa no bay cu nan yiunan di cero pa cinco aña, na eventonan di carnaval, entre otro, ya cu tin otro eventonan cultural tambe. “Pakico? Pa tur e riesgonan y peligro cu bo ta exponiendo bo yiu di cero pa cuater aña”. Sue Ann a reitera.
“Eigenlijk e Codigo di Proteccion tey, pero e ta un forma di traha preventivo riba casonan di abuso di mucha, y e ta mas dirigi pa e profesionalnan. Mayornan, den e caso aki, mester ta e promenan yama pa percura pa e proteccion di nan yiunan, y esey ta e unico manera cu nan ta haci uso di nan mesun forma di lanta mucha, kico ta bon, kico no ta adecuado, kico ta malo pa expone mi yiu, di cero pa cinco aña specialmente”, Sue-Ann Ras a acentua.
