Suplica na e persona pa debolbe
ORANJESTAD (AAN): Un ciudadano ta manda un suplica na e persona cu por a haya su smartphone benta abao, si ta amabel pa debolbe.
El a splica cu Diahuebs siman pasa, dia 14 di Augustus band’i 8’or di anochi, el a perde su telefon mobil riba e parkinglot di Wayaca Falls Mall.
E persona a bisa cu el a regresa bek ni 5 minuut pa check back den e parkinglot, pero ya caba el a desaparece.
Su casa a bel varios biaha na e number di e smartphone, pero e persona cu a haye den e parkinglot no ta contesta. Corda cu un telefon no ta luho, e ta un necesidad. El a perde tur su informacion cu e tin riba su smartphone Samsung Galaxy A14 aki.
“Mi ta masha decepciona cu tin hende asina deshonesto riba e isla aki. Mi ta pidi e hende cu a haya mi celular, pa entreg’e bek,” el a declara.
“E smartphone a cay accidental fo’i mi tas. Pa ora mi a bin back e parkinglot, ya nan a bay cu ne.
Please entrega bek e cel, corda cu e no ta di bo.
Por contact e number aki pa entrega e celular, esta Francis na 699-2490.
