Errol de freitas, Preisdente di SNBA:
ORANJESTAD (AAN)—Errol De Freitas, presidente di Asociacion di Comerciante San Nicolas, den entrevista cu DIARIO a indica cu nan tin un ciudad cu ta un joya, entre otro e Edificio di Post.
SNBA tin hopi idea con e por funciona mas eficiente kizas den otro bachi. Bestuurkantoor ta otro joya di edificio, cu por haci varios cos cu ne.
“Pero loke ta historia di Aruba, mas tanto ta akinan den San Nicolas. Nos ta pensando cu ora Aruba Amenities Convention start sali, bo ta bay mira hopi mas turista cu ta bin wak, historia”, De Freitas a indica.
El a agrega cu no solamente tin e edificionan cu nos conoce pa Museo, pero hunto cu Renwick Heronimo tin combersacion cu nan kier amplia esakinan.
“No ta ami ta forma e desaroyo pa San Nicolas, pero eigenlijk e mester ta un grupo hunto, pero un grupo cu ta bin constructivamente. Nos no a yega caminda nos ta, ayera”, Errol de Freitas a indica, y proximamente nan lo presenta e vision di SNBA.
Nan ta bay present’e na gobierno y un bez cu nan ta di acuerdo cu ne, for di eynan nan por bay publico cu ne y SNBA lo sostene esaki. Asina de Freitas a señala.
