Dialuna a constata 9 caso nobo - ORANJESTAD (AAN): Aunke Departamento di Salud no ta publicando diariamente e cifranan diario di Covid-19
na Aruba riba nan Facebook Page, toch nan ta wordo anuncia tur dia pa medio di e website arubacovid19.org.
DIARIO ta kere ta bon pa sigui publica tur dia e cifranan pa asina comunidad por sigui di cerca con e cifranan ta cambia dia pa dia y na final di siman, riba Diasabra lo publica e actualisacion semanal di DVG.
Por constata cu pa loke ta dialuna 19 di juli, e casonan nobo di Covid-19 ta 9, esaki relata na 2 residente y 6 no-residente.
E casonan activo ta 87, di cual 37 ta residente y 50 ta no-residente.
A recupera, compara cu diadomingo, un total di 3 persona pa un total di 11.049 (10.145 residente y 905 no-residente).
E casonan positivo ta na un total di 11.244 (10.289 residente y 955 no-residente).
Mientrastanto, e casonan di fayecimento ta na un total di 108 (107 residente y 1 no-residente).
