ORANJESTAD (AAN): Diahuebs mainta den Amsterdam Ballroom di Aruba Marriott Resort & Casino,
a haci e anuncio oficial di algun anochi di cuminda impecable y cu sabor internacional, cu ta ser haci den cuadro di bishita di e mundialmente famoso François Geurds, kende ta un ‘Michelin Star Chef’.
Pa cuminza, Aruba Marriott Resort ta uni forza cu Chef Geurds aki procedente di Rotterdam, pa 3 anochi di sabor impecable. E prome ta awe Diabierna, cu ta inclui un cena di 6-curso cu su biña.
Despues ta sigui e anochi di Diasabra, y tambe Diadomingo unda e Michelin Star Chef lo combina cuminda di Aruba, y aki e ta uni forza cu cinco chef local pa realiza esey.
Uno di e chefnan local, ta Chef Urvin Croes, kende den un entrevista a mustra claramente cu e ta hay’e un honor grandi pa ta un chef invita. Chef Croes a splica cu tempo e tabata atende lesnan culinario na Colegio EPI, el a cuminza tambe na Marriott Resort y a haya empuhe di e chefnan eynan, pa el a bay den exterior, y awor tey na Aruba cu su propio restaurant.
Su mesun restaurant ta bayendo bon, aunke e ta un reto pa loke nan ta haciendo den mundo culinario na Aruba, y tambe den su mercadeo. Y e ta contento cu keto bay Marriott ta keda tira bista riba e studiantenan culinario na Colegio EPI pa yuda nan den e empuhe aki pa bay dilanti.
Tanto Diasabra como Diadomingo, e 5 chefnan local hunto cu Michelin Star Chef François Geurds, lo bay ta presentando ‘Aruban Classics Revisited”.
