ORANJESTAD (AAN): Centro di Bario Noord ta entusiasma pa anuncia e proximo “Teen Camp 2025.” Un evento di “sleep-over” unico pa hobennan entre edad di 13 pa 17 aña,
diseña specificamente pa hobennan por conecta, siña y tin un diberticion inolvidabel durante di tres dia.
Programa for di diadomingo 10 di augustus pa 2:00 PM pa diamars 12 di augustus pa 12:00 PM, e campamento aki ta priminti un mezcla di actividadnan alegre, desaroyo personal y amistadnan significante, tur den e curason sigur y vibrante di e comunidad di Noord.
“E campamento altamente anticipa ta mas cu djis un evento di zomer—e ta un experencia cuidadosamente centra riba empoderamento di hobennan, union di bario, y conexion strategico bou di hobennan. Cu un programa dinamico y atractivo cu no solamente ta entretene pero tambe ta alimenta e balornan di colaboracion, creatividad y comunidad, ” programa leidster, Ligia Croes a duna di conoce.
Participantenan por anticipa dos anochi di emocion y bonding di keda drumi, uni riba dushi cuminda y amistad hunto, completa weganan, experiencia competencia sano y momentonan cu lo lanta recuerdonan di bida largo.
Un Iniciativa Strategico pa Hubentud
“Teen Camp 2025” ta forma parti di e mision mas amplio di Centro di Bario Noord pa empodera hobennan local y fortalece lasonan di bario pa medio di compromiso significante. Door di trece hobennan hunto den un ambiente structura pero dibertido, e campamento tin como meta pa fomenta abilidadnan di liderazgo, impulsa confiansa propio, y promove relacionnan saludabel bou di hobennan di Noord.
“Esaki no ta djis un campamento—e ta un movemento pa comunidadnan mas fuerte y mas conecta, den liña cu nos vision cu ta pa stimula desaroyo spiritual, social, cultural y deportivo di Noord,” Croes ta elabora. “Nos ta creando e espacio pa alegria, pero tambe pa crecemento. Ta trata di duna hobennan un bos, un luga pa ta nan mes, y amistadnan cu ta extende mas aya di e murayanan di e Centro.”
No perde e oportunidad yena harimento, siñamento, comparti un cu otro y impacto duradero. Segun e “countdown” a cuminsa, Centro di Bario Noord ta invita tur hoben den comunidad pa forma parti di e trayecto extraordinario pa nos hobennan di nos dushi bario di Noord.
